O Doutófono: Tzimon Barto

Teño unha idea para un guión de cine: trátase dun culturista cun turbio pasado relacionado coas drogas. O tipo é pianista de concerto. Dos mellores. Tamén é novelista e poeta. Ten o proxecto de grabar as súas obras literarias completas en 3000 lápidas de granito no xardín da súa casa en Florida. Masca chicle de fresa e fuma compulsivamente.

Está traballando no campo da física para estudiar a relación entre a as notas musicais e os elementos da táboa periódica. Fala fluidamente cinco idiomas, le grego clásico, latín e hebreo e estalle entrando ó mandarín.

Creo que a idea pode funcionar porque ten o punto forte do realismo. O problema vai estar en conseguir os dereitos porque o paisano este xa existe e chámase Tzimon Barto. Aquí teñen unha entrevista. Eu vino unha vez en directo e nunha coda pensei que partía un Steinway novo do trinque.