Alborada para Rosalía

Súmome ó chamamento da Fundación Rosalía de Castro con esta Alborada para Rosalía, hoxe, día 24 de febreiro, aniversario do nacimento da poeta. E para iso escollo esta versión do vesiño e nembargantes amigo Anxo Angueira, impulsor, dende a presidencia da fundación, deste acontecemento que inaugura as celebracións do sesquicentenario da publicación dos Cantares Gallegos de Rosalía na cidade de Vigo.

Saberán que ésta é unha entrada programada, xa que a esta hora confío en estar participando ó vivo no acto institucional que se está a celebrar na Casa Museo da Matanza, ó tempo que unha lexión de gaiteiros interpretan a Alborada para Rosalía en incontables puntos de Galicia e outros ben máis lonxe coma Madrid ou Cork. Xa lles contarei.