Belén de Baltar

Nos meus ourensáns Nadais infantís era obrigada a visita ó Belén do escultor Arturo Baltar, na capela de San Cosme e San Damián, médicos e mártires, coma a maioría dos médicos hoxe en día.  Patronos dos nenos, cirurxáns, farmaceuticos, médicos e traballadores dos balnearios.

Todos os anos fago e incumpro propósito de revisitalo. Paga a pena achegarse a velo porque é máis que un Belén ben fermoso: é un tratado de etnografía e antropoloxía ourensán do século pasado. A escultura de Baltar compleméntase coa pintura de Virxilio Fernández Cañedo e Xaime Quessada. A capela é agora un espazo expositivo máis amplo adicado ó escultor.

Bo Nadal!