venres, 26 de abril de 2013

Bailarete

Hoxe non hai Doutófono neste blog. Hoxe a música témola en directo na Fundación Rosalía de Castro, na Matanza en Padrón. Está a cargo do Xaime Estévez Vila e do Centro Cultural A Merced de Chain. A poesía póñena Rosalía de Castro e os nenos de Club de lectura leCRAs de Dodro. Todo para presentar o líbro Alborada, primeira obra da plataforma editorial Bailarete. O poema Alborada de Rosalía de Castro dá título a este libro infantil, ilustrado por Irene Silva Xiraldez e ao que Xaime Estévez Vila puxo partitura.
Pensado para que os nosos cativos comecen a amar a poesía e a nosa lingua, Alborada é un libro para ser contado, recitado e cantado. O acto será no salón de actos ás 17:30h.



Declaración de conflictos de interés: o autor desta entrada declara non ter recibido ningún tipo de financiamente da Editorial Bailarete (en todo caso ó revés). 

Ningún comentario:

Publicar un comentario