Aflixidas

Devotas camiño da misa do luns dos Aflixidos en Lestrobe (Dodro. A Coruña)

Brañas

Brañas de Laíño. Dodro (A Coruña)

A vela no Patín

A Casa do Patín de Padrón organiza a exposición dunha ducia longa de fotografías.

Son todas imaxes que teño tomado durante as diversas edicións da iniciativa Que inchadiña branca vela: unha remontada en dorna polos rios Ulla e Sar para homenaxear a Rosalía de Castro. O acto é organizado cada verán pola Fundación Rosalía de Castro e máis a Escola de Navegación Tradicional da Asociación Dorna da Arousa. A exposición faise coincidir coa edición deste ano que se celebrará o vindeiro sábado día 20 de agosto. 

En concreto preséntanse 14 impresións en branco e negro de 50x40cm en papel fotográfico Fuji Crystal Archive Supreme sobre soporte durafix e con laminado mate.

Agradezo moito a iniciativa da Casa do Patín que me permite partillar as miñas fotos con todos vós, ó tempo que axuda a divulgar o mundo da navegación tradicional, así como esta fermosa peregrinación rosaliana en concreto. 

¡Que inchadiña branca vela
antre os millos corre soa,
misteriosa pura estrela!
Dille o vento en torno dela:
«Palomiña, ¡voa!, ¡voa!»


Mágoa

Lume forestal

Palilleira

Palilleira nos soportais de Muros (A Coruña)